Bıyl Atyraý oblysynda jasóspirimder sportyn damytýǵa 2 mlrd 314 mln teńge bólindi. Bul týraly brıfıngte oblystyq sport basqarmasynyń bas mamany Amanjol Saǵynǵalıev aıtty, dep habarlaıdy Egemen.kz.
Onyń sózinshe, óńirde 100 myńǵa jýyq bala sportpen aınalysady. 17 sport mektebinde 26 sport túrinen úıirmeler jumys isteýde. Ondaǵy qatysýshylar jalpy mektep jasyndaǵy balalar sanynyń 16,5 paıyzyn quraıdy.
Aımaq boıynsha qazirgi kezde balalar men jasóspirimderge arnalǵan sporttyq seksııalardy memlekettik qarjylandyrý jumystary júrgizilýde. Bul joba aıasynda júzý, dzıýdo, boks, kórkem gımnastıka, karate, kúres, shahmat sekildi sport túrlerinen balalardy tegin seksııalarǵa qabyldaý bastalady. Biraq túrli sport túrlerinen jattyqtyrýshylar jetispeıdi.
– Maman tapshy. Ony joıý úshin oblys ákimi sońǵy úsh jyldan beri dene shynyqtyrý jene sport mamandyǵy boıynsha oqý granttaryn bólip keledi. Alǵashqy túlekter aldaǵy jyly sporttyq uıymdarǵa kelip jumysqa ornalasady, – dedi sport basqarmasynyń bas mamany.