Batys Qazaqstan oblysynyń fermerleri aımaqtyq aýyl sharýashylyǵy jármeńkesine naryq baǵasynan 10-20 paıyzǵa tómen baǵamen 120 tonna ónim shyǵardy. Dástúrli jármeńke «Han Shatyr» SOO janyndaǵy alańda ótýde, dep habarlaıdy Egemen.kz qala ákimdiginiń resmı saıtyna silteme jasap.
Jármeńke sórelerine óńirdegi 80-nen astam óndirýshilerdiń taýarlary usynyldy, olar 65 tonna sıyr eti men jylqy eti, 36 myń dana taýyq jumyrtqasy, 20 tonna un men makaron ónimderi, 15 tonna shujyq jáne konservi ónimderi, 5 tonna jańa balyq, 5 tonna ósimdik maıy, 3 tonna sút ónimderi, 5 tonna túrli sýsyndar, 2 tonna kondıterlik ónimder ákeldi.
«Jármeńkege 80-ge jýyq agroqurylym qatysady, olar astanalyqtarǵa et, konserviler, maı, irimshikter, sýsyndar, makaron jáne basqa da ónimderdi ólkemizdiń 12 aýdanynan ákeldi. Batys qazaqstan oblysy - tabıǵı, sapaly, mal sharýashylyǵy ónimderimen tanymal iri agrarlyq óńir. Munda azyq-túlik assortımentiniń túr-túri usynylǵan, sebebi jergilikti aýylsharýashylyq ónimderi elorda turǵyndary men qonaqtary arasynda úlken suranysqa ıe. Jármeńkedegi baǵalar dástúrli túrde naryqtyq baǵadan 10-20%-ǵa tómen, bul elorda turǵyndary men qonaqtaryna ónimdi qolaıly baǵamen satyp alýǵa múmkindik beredi», dedi BQO aýyl sharýashylyǵy basqarmasynyń basshysy Jasulan Halıýllın.
Qala turǵyndary tómen baǵalar men usynylǵan ónimderdiń joǵary sapasyn atap ótti.
«Munda barlyq qajetti ónimder qolaıly baǵalarmen usynylǵan. Elordada jyl saıyn osyndaı jármeńkeler ótkiziletinine óte qýanyshtymyz», dedi qala turǵyny Áskerǵazy Jumaǵulov.
Jármeńke kezinde barlyq sanıtarlyq normalar men karantın talaptary saqtalady.
Eske sala ketsek, Nur-Sultanda óńirlik aýyl sharýashylyǵy jármeńkeleriniń maýsymy 31 qazanǵa deıin jalǵasady.