Qazaqstan táýelsizdiginiń 30 jyldyǵy aıasynda Majarstannyń Lakıtelek halyq ınstıtýtynda qazaq aqyny jáne aǵartýshysy Abaı músininiń saltanatty ashylý rásimi ótti, dep habarlaıdy Egemen.kz.
Majarstannyń Memlekettik jınalysy spıkeriniń orynbasary Shandor Lejaktyń qoldaýymen uıymdastyrylǵan is-sharaǵa Majarstannyń saıası qaıratkerleri, akademııalyq jáne qoǵamdyq toptarynyń ókilderi qatysty.
Rásim barysynda Shandor Lejak kórnekti aqyn jáne oıshyl Abaıdyń shyǵarmashylyq murasy batys jáne shyǵys mádenıetin baılanystyratynyn aıtty.
Vengrııa Premer-Mınıstriniń orynbasary – Qarjy mınıstri, Ekonomıkalyq yntymaqtastyq jónindegi Qazaqstan-Vengrııa úkimetaralyq komıssııasynyń teń tóraǵasy Mıhaı Varga Vengrııa Úkimeti eki el arasyndaǵy ǵylymı-mádenı mura salasyndaǵy qatynastardy «shyǵysqa tereze» syrtqy saıası strategııasy aıasynda damytýdy jalǵastyratynyn atap ótti.
Qazaqstan elshisi Jánibek Ábdirashov Abaıdyń eńbekteri elder men halyqtardyń jaqyndasýyna yqpal etetinin, al onyń rýhanı murasynyń arqasynda vengrııalyq jastar qazaq dalasynyń mádenıetimen tanysa alatynyna senimin bildirdi.