Túrkııa prezıdenti Rejep Taıyp Erdoǵan qyrǵyzstandyq áriptesi Sadyr Japarovpen telefon arqyly sóılesti. Bul týraly Túrkııa prezıdenti ákimshiliginiń qoǵammen baılanys bóliminiń habarlamasynda aıtylǵan, dep habarlaıdy Egemen.kz.
Áńgime barysynda Túrkııa men Qyrǵyzstan arasyndaǵy qarym-qatynasty odan ári damytý qadamdary, sondaı-aq aımaqtyq máseleler talqylandy.
Sadrı Japarov Túrkııa memleketiniń basshysyn Túrkııada toılanatyn Jeńis kúnimen quttyqtady.
Prezıdent Erdoǵan Sadyr Japarovty Qyrǵyzstan táýelsizdiginiń 30 jyldyǵymen quttyqtady.
Túrik basshysy Túrkııanyń Qyrǵyzstannyń táýelsizdigin moıyndaǵan jáne Bishkekte elshiligin ashqan birinshi el ekenin eske saldy.
Túrkııa memleketiniń basshysy Túrkııa baýyrlas Qyrǵyzstannyń turaqtylyǵyna, órkendeýi men damýyna óz úlesin qosatynyna sendirdi.
Ol keıingi 30 jylda Túrkııa men Qyrǵyzstan arasyndaǵy qarym-qatynas barlyq salada damyp kele jatqanyn aıtty.
Sondaı-aq 2021 jyly ekijaqty qarym-qatynastardyń strategııalyq seriktestik deńgeıine kóterilgenine 10 jyl tolatynyn eske saldy.