Almatyda qol astyndaǵy qyzmetkerge qol kótergen polıseı ishki ister organdarynan shyǵaryldy. Bul týraly Egemen.kz Almaty Polısııa departamentiniń baspasóz qyzmetine silteme jasap habarlaıdy.
Almaty polısııasynyń bastyǵy Qanat Taımerdenovtiń aıtýynsha, PD-de jedel tártiptik komıssııa ótkizildi, onyń sheshimimen Naýryzbaı aýdandyq polısııa basqarmasy bastyǵynyń orynbasary, polısııa maıory K.Jaqypbaev polısııa bóliminiń bedelin túsirgeni jáne «Qazaqstan Respýblıkasy memlekettik qyzmetshileriniń etıkalyq kodeksi» normalaryn buzatyn áreketti jasaǵany úshin ishki ister organdarynan shyǵaryldy.
Sonymen qatar, bul bólimniń birqatar basshylary qyzmetterinen bosatyldy.
Sondaı-aq, baıandamashy ózindik qaýipsizdik basqarmasy bul faktini QR QK-niń 362 baby - bılikti nemese qyzmettik ókilettilikti asyra paıdalaný boıynsha sotqa deıingi tergeýdiń biryńǵaı tizilimine tirkegenin aıtty.