Estonııa Parlamenti Ulttyq mýzeıdiń dırektory Alar Karısti Prezıdent etip saılady, dep habarlaıdy Egemen.kz Estonian World-qa silteme jasap.
Saılaýdyń ekinshi kezeńiniń jasyryn daýys berý qorytyndysy boıynsha 63 jastaǵy Alar Karıstiń kandıdatýrasyn Parlament múshesiniń 72 depýtaty qoldady.
30 tamyzdaǵy daýys berýdiń birinshi kezeńinde Alar Karıs óziniń paıdasyna 63 daýys jınady.
Jergilikti BAQ-tyń habarlaýynsha, Alar Karıs bilimi boıynsha molekýlıarlyq genetık jáne damý bıology mamandyǵyn Estonııa jaratylystaný ǵylymdary ýnıversıtetiniń veterınarııa fakýltetin bitirgen.
2003 jyldan 2007 jylǵa deıin Estonııa jaratylystaný ǵylymdary ýnıversıtetiniń rektory, al 2007 jyldan 2012 jylǵa deıin Tartý ýnıversıtetiniń rektory boldy.
2013 jyldan 2018 jylǵa deıin ol Estonııanyń bas baqylaýshysy - memlekettik baqylaýdyń, salyq tóleýshiler qarajatynyń jumsalýyn baqylaýdy qamtıtyn táýelsiz mekemeniń basshysy qyzmetin atqarǵan.