Uly Jeńistiń 65 jyldyǵyna oraı Astanadaǵy Uly Otan soǵysy múgedekteriniń klınıkalyq aýrýhanasynda soǵys ardagerlerine qurmet kórsetildi.
Soǵys ardagerleri emdeletin aýrýhanaǵa jınalǵan kópshilik aldynda sóz sóılegen QR Ardagerler keńesiniń tóraǵasy Qaıyrbek Súleımenov Uly Jeńistiń mán-maǵynasyna toqtala kelip, aramyzda júrgen ardagerlerge taǵzym ete, olarǵa “Uly Otan soǵysy jeńisine 65 jyl” medalin tabys etse, Halyq Qaharmany, general leıtenant Baqytjan Ertaev soǵys ardagerlerin uly merekemen quttyqtap, aýrýhanaǵa Abylaıhan, Bógenbaı, Qabanbaı sııaqty uly tulǵalar beınelengen sýretti syıǵa tartty.
Budan keıin jurtshylyq “Erlik – elge mura, urpaqqa uran” atty maıdanger qalamgerler shyǵarmalary men soǵys taqyrybyna jazylǵan týyndylarǵa arnalǵan kórmeni tamashalady. Al Astana memlekettik muraǵatynan ákelingen “Eri elge sengen, eli erge sengen” atty kórmege soǵys jyldary jaryq kórgen gazet-jýrnaldar men sol kezderdegi áskerı ómirden syr sherter is-qaǵazdar qoıylypty. Sondaı-aq merekelik basqosýda L.Gýmılev atyndaǵy Eýrazııa ulttyq ýnıversıtetiniń stýdentteri salǵan – soǵys kezeńi, batyr tulǵalary beınelengen sýretter kórmesiniń tusaýkeseri bolyp, osynda ákelingen úzdik 65 jumys Uly Jeńistiń 65 jyldyǵy qurmetine aýrýhanaǵa syıǵa tartyldy.
Berik SADYR.