IT qyzmetterin eksporttaý baǵdarlamasy Soltústik Amerıka, Eýropa jáne Ońtústik-Shyǵys Azııa naryqtaryna baǵyttalady, dep jazady Egemen.kz.
Eksportta mol tájirıbesi bar sarapshylar Soltústik Amerıka jáne Eýropa, Ońtústik-Shyǵys Azııa, Taıaý shetel jáne TMD elderindegi naryqta jumys isteý boıynsha naqty tájirıbelik usynystarmen bólisedi. Barlyǵy 90 qatysýshy, onyń ishinde úsh baǵyttyń árqaısysy boıynsha 30 IT-kompanııa irikteledi.
«Baǵdarlama básekege qabiletti ónimdi nemese qyzmetti qurǵan, shetelge shyǵýǵa baǵyttalǵan tehnologııalyq kompanııalarǵa arnalǵan.
Sonymen qatar sheteldik naryqqa shyǵýǵa daıyn IT-kompanııalar, startaptar Astana Hub halyqaralyq agentterinen baǵyt-baǵdar men qoldaý alady, olar: áleýetti tapsyrys berýshiler men seriktesterdi tabýǵa, ınvestısııalar tartý úshin ınvestorlarmen kezdesýler uıymdastyrýǵa; qalaǵan naryqtardaǵy jumystyń zańdy qyr-syryn túsinýge; halyqaralyq IT-forýmdar men kórmelerge qatysýǵa kómektesedi», delingen Astana Hub taratqan málimdemede.
Qazaqstandyq startaptar sheteldik ınvestorlar úshin qyzyqty óris bolyp tabylady. Otandyq kompanııalar Tuz Ventures jáne Quest Ventures (Sıngapýr), Sturgeon Capital (Ulybrıtanııa) jáne 500 Startups halyqaralyq qory sııaqty ındýstrııa alyptarynan qarjylandyrý tartty. Astana Hub startaptarymen tartylǵan ınvestısııalardyń jalpy somasy 2018 jyldan bastap 48,4 mlrd teńgeni quraıdy.