Qazaqstannyń bas sanıtar dárigeriniń 6 qyrkúıekten bastap vaksına almaǵan qyzmetkerlerdi jumysqa jibermeý týraly qaýlysy kúshine endi, dep jazady Egemen.kz.
«Oblystardyń, Almaty, Nur-Sultan, Shymkent qalalarynyń ákimderi, ortalyq memlekettik organdar, quqyq qorǵaý jáne arnaıy organdar, «Atameken» UKP (kelisý boıynsha), ulttyq kompanııalar, menshik nysanyna qaramastan zańdy tulǵalar COVID-19-ǵa qarsy vaksına almaǵan jumyskerlerdi (turaqty medısınalyq qarsy kórsetilimderi bar jáne sońǵy 3 aı ishinde COVID-19-ben aýyryp jazylǵan adamdardy qospaǵanda) betpe-bet rejımde jumysqa jiberýdi shektesin», dep jazylǵan qaýlyda.
Eger qyzmetkeri keńsege kelip jumys isteıtin bolsa, mindetti túrde 7 kúnde bir ret PTR-test tapsyryp otyrýy kerek.
Qaýly tek halyqqa qyzmet kórsetýmen aınalysatyn nysandarǵa qatysty qoldanylady. Onyń qatarynda:
- qyzmet kórsetý jónindegi obektiler (halyqqa qyzmet kórsetý ortalyqtary (HQKO), «Qazposhta» AQ bólimsheleri, ekinshi deńgeıli bankter, qarjy naryǵynyń obektileri, saqtandyrý kompanııalary, jyljymaıtyn múlik agenttikteri, jarnama agenttikteri, aıyrbastaý pýnktteri, lombardtar, sulýlyq salondary, shashtarazdar, hımııalyq tazalaý oryndary, kir jýý oryndary, fıtnes, sport keshenderi, sporttyq-saýyqtyrý ortalyqtary, SPA jáne massaj salondary/ortalyqtary/kabınetteri, monshalar, saýnalar, basseınder, jaǵajaılar, tıpografııalyq kórsetiletin qyzmetter, tigin atelesi, fotosalondar, aıaq kıim sheberhanalary, gúl dúkenderi, aıaq kıim, kıim jóndeý, uıymdastyrý tehnıkasyn jóndeý jónindegi servıs, notarıýs, býhgalter jáne konsaltıng, manıkıýr jáne pedıkıýr, kosmetologııalyq qyzmetterdi kórsetý jónindegi obektiler, ózge de obektiler);
- halyq tutynatyn ónimderdiń jáne taýarlardyń kóterme jáne bólshek saýdasy (saqtaý) obektileri, onyń ishinde bazarlar, saýda úıleri, saýda jelileri, saýda jáne oıyn-saýyq ortalyqtary, dúkender, shaǵyn marketter, sýpermarketter, gıpermarketter;
- mádenıet jáne demalys obektileri (mýzeıler, mýzeı-qoryqtar, kitaphanalar, konserttik uıymdar, fılarmonııalar, teatrlar, kınoteatrlar, konsert zaldary, klýbtar, galereıalar, kórmeler, sırkter jáne basqa da mádenı demalys uıymdary);
- onaq úıler, otelder, hostelder, motelder, jataqhanalar, kempıngter jáne taǵy basqalar;
- jolaýshylar tasymalyn júzege asyratyn uıymdar, áýejaılar, temirjol, avtomobıl jáne sý vokzaldary, ózen jáne teńiz porttary, avtostansııalar/avtoótpe joldary, jolaýshylarǵa qyzmet kórsetý pýnktteri;
- bilim berý jáne tárbıeleý uıymdary, onyń ishinde bilim berý damytý jáne túzetý ortalyqtary (eresekter men balalarǵa arnalǵan), oqý-óndiristik kombınattar jáne basqa da mektepten tys uıymdar;
- sanatorıı-kýrorttyq jáne saýyqtyrý maqsatyndaǵy obektiler (sanatorııler, demalys úıleri/bazalary/aımaqtary, profılaktorııler, balalardyń saýyqtyrý lagerleri (mektep janyndaǵy, qala syrtyndaǵy), týrıstik bazalar jáne basqalar);
- qoǵamdyq tamaqtaný obektileri, onyń ishinde uıymdasqan ujymdarda ornalasqan, sondaı-aq tamaq jetkizýdi júzege asyratyn obektiler, strıtfýdtar;
- barlyq úlgidegi medısınalyq-áleýmettik obektiler (qarttar, múgedekter úıleri, sábıler úıleri jáne basqalary);
- densaýlyq saqtaý uıymdary, onyń ishinde zerthanalar;
- dárihana uıymdary;
- tirshilikti qamtamasyz etý jáne kommýnaldyq sharýashylyq obektileri (sýmen jabdyqtaý, jylýmen jabdyqtaý, elektrmen jabdyqtaý, aýmaqtardy jınaý jáne qaldyqtardy shyǵarý, úı-jaılar men aýmaqtardy dezınfeksııalyq óńdeý boıynsha uıymdar, avarııalyq-qutqarý qyzmetteri, PIK jáne MIB jáne basqalary);
- kskýrsııalyq qyzmet kórsetetin uıymdar; demalys obektileri, oıyn-saýyq oıyn obektileri (kompıýterlik klýbtar, bılıard zaldary, boýlıngter, oıyn-saýyq ortalyqtary/saıabaqtary, attraksıondar, akvaparkter, karaoke, lotereıa klýbtary jáne lotereıa bıletterin satý jónindegi ózge de pýnktter/núkteler jáne basqalar);
- baılanys jáne telekommýnıkasııa obektileri.