QR Bilim jáne ǵylym mınıstrligi Ǵylym komıtetiniń tóraǵasy Janna Qurmanǵalıeva ǵalymdardyń jalaqysy týraly aıtty, dep jazady Egemen.kz.
«Otandyq ǵylymdaǵy basty máselelerdiń biri - ǵalymdar jalaqysynyń turaqsyzdyǵy. Búginde ǵalymdar jalaqyny tek ǵylymı konkýrstarǵa qatysý arqyly ǵana alady. Al konkýrstar byltyrǵa deıin 3 jylda 1 ret qana ótip otyrdy. Sondyqtan da osyǵan deıin ǵalymdar ǵylymı ınstıtýttyń qyzmetkeri jáne ǵylymı dárejesi bolsa da, baıqaýda jeńbese, jalaqydan qur qalatyn. Sebebi qazirgi zańǵa sáıkes bazalyq qarjylandyrý kólemine tek ákimshilik jáne tehnıkalyq qyzmetkerlerdiń jalaqysy jáne ǵımaratty ustaý shyǵyny ǵana kiredi. Osy jaǵdaıdy ózgertý úshin Prezıdent bazalyq qarajat esebine jetekshi ǵylymdardyń jalaqysyn engizýdi tapsyrdy.
Bıylǵy Joldaýda ǵalymdarǵa laıyqty jalaqy tóleý máselesin sheshý tapsyryldy. 2020 jyly ǵalymdardyń ortasha jalaqysy 152 myń teńgeni qurady. Osy oraıda Memleket basshysynyń tapsyrmasyna sáıkes, zańǵa tıisti ózgerister engizý úshin Qarjy mınıstriligimen birlesip jumys jasap jatyrmyz», dedi Janna Qurmanǵalıeva OKQ-de ótken baspasóz máslıhatynda.