Qyrǵyzstan prezıdenti Sadyr Japarov Taalaıbek О́miralıevti qyzmetinen bosatyp, bul qyzmetke Baqtybek Bekbolotovty taǵaıyndady. Bul týraly Qyrǵyzstan basshysynyń baspasóz qyzmeti habarlady, dep jazady Egemen.kz.
«Qyrǵyz Respýblıkasynyń Prezıdenti Sadyr Japarov Jarlyqqa qol qoıdy, oǵan sáıkes Omýralıev Taalaıbek Baryktabasovıch basqa jumysqa aýysýyna baılanysty Qyrǵyz Respýblıkasynyń Qorǵanys mınıstri qyzmetinen bosatyldy», delingen habarlamada.
Vedomstvonyń jańa basshysy bolyp Baqtybek Bekbolotov taǵaıyndaldy.
T. О́mirálıev 2021 jyly 5 mamyrda ǵana mınıstr bolyp taǵaıyndalǵan edi.
Aıta keteıik, ótken jyldyń sońynda Qyrǵyzstanda Memlekettik qorǵanys komıteti men Bas shtab Qorǵanys mınıstrligine biriktirildi.