Fransııa prezıdenti Fransýa Olland azamattyq áıeli Valerı Trıerveılermen ajyrasatynyn málimdedi. Bul týraly «Rossııa 24» telearnasyna silteme jasaǵan Ras.kz habarlady.
«Budan buryn Elıseı saraıynda buǵan qatysty barlyq qaýesetter joqqa shyǵarylyp kelip edi», dep málimdedi «Frans Press» agenttigi. Degenmen, Besinshi respýblıkanyń prezıdenti bul taqyrypqa ózi qaıta oralyp, sońǵy azamattyq áıelimen baılanysyn birjola úzýge sheshim qabyldaǵanyn jetkizdi. «Bizdiń Valerı Trıerveılermen birlesken ómirimizdiń sońy kelip jetkenin habarlaımyn», – dedi ol.
Fransýz jýrnalısteriniń málimetteri boıynsha, prezıdenttiń ómirlik serigi aqyry onyń satqyndyǵyn keshire almaǵan. Oǵan tipti osyǵan baılanysty júıkesi juqaryp, aýrýhanaǵa jatyp shyǵýǵa da týra kelgen. Osynyń qarsańynda Closer basylymy Elıseı saraıynda úlken janjal shyqqanyn jazǵan. Birinshi ledı quny 3 mln. eýro turatyn antıkvarlyq vazany syndyryp alyp, ol Ollandtyń qatty ashýyn shaqyrypty.
Aıdar О́risbaev.
Derekkóz: Ras.kz
Foto: Reuters.com