Májilis Tóraǵasynyń orynbasary Sergeı Dıachenko bastaǵan qazaqstandyq májilismender Máskeýde ótken QR Parlamenti Májilisi men RF Memlekettik Dýma Federaldyq Jınalysy arasyndaǵy yntymaqtastyq boıynsha palataaralyq komıssııanyń toǵyzynshy otyrysyna qatysty, dep habarlady Májilistiń baspasóz qyzmeti.
Májilis Tóraǵasynyń orynbasary Sergeı Dıachenko bastaǵan qazaqstandyq májilismender Máskeýde ótken QR Parlamenti Májilisi men RF Memlekettik Dýma Federaldyq Jınalysy arasyndaǵy yntymaqtastyq boıynsha palataaralyq komıssııanyń toǵyzynshy otyrysyna qatysty, dep habarlady Májilistiń baspasóz qyzmeti.
Otyrys qazaqstandyq taraptan Májilistiń vıse-spıkeri, Komıssııanyń teńtóraǵasy Sergeı Dıachenko men reseılik taraptan RF Memlekettik Dýma Federaldyq Jınalysy tóraǵasynyń orynbasary, Komıssııanyń teńtóraıymy Lıýdmıla Shvesovanyń tóraǵalyǵymen ótti.
Kezdesý sheńberinde qazaqstandyq jáne reseılik parlamentshiler ekijaqty yntymaqtastyqtyń ózara paıdasyna qatysty máselelerdi keń aýqymda talqylap, sonymen birge, olardy zańnamalyq jolmen qamtamasyz etýdi qarastyrdy.
Parlamentshiler, ásirese, eki el basshylarynyń ótken jyldyń qarasha aıynda Ekaterınbýrgte Qazaqstan men Reseı yntymaqtastyǵynyń aımaqtyq merekelik 10-forýmy sheńberinde qol qoıylǵan Qazaqstan men Reseı arasyndaǵy HHI ǵasyrdaǵy tatý kórshilik pen yntymaqtastyq týraly shartty júzege asyrýdyń keleshegine aıryqsha nazar aýdardy.
Birlesken talqylaýǵa qazirgi zamandaǵy qaýip pen qater (anasha tasymaly, lańkestik, adam saýdasy), agroóndiristik keshen salasyn órkendetý, bilim, ǵylym, jańa tehnologııalar, ınnovasııalyq óndiris, saýda, ekonomıka men óndiris, ekologııa jáne qorshaǵan ortany qorǵaý, mádenı-gýmanıtarlyq sala, sondaı-aq, shekara mańy men aımaqaralyq yntymaqtastyq máseleleri taqyryp boldy.
Taraptar Komıssııanyń kelesi otyrysynyń kún tártibin talqylaıtyn jumysshy tobyn qurýǵa kelisti.
Komıssııanyń onynshy – merekelik otyrysyn keler jyldyń basynda Astanada ótkizý josparlanyp otyr.