Shylym shegý kórsetkishi boıynsha Qazaqstan álemdegi 127 eldiń ishinde 41-orynda tur eken. Elde árbir 10 áıeldiń biri jáne árbir 10 er adamnyń tórteýi shylym shegedi, dep habarlaıdy Egemen.kz.
Qazaqstanda shylym shegetin er adamdardyń qatary kóp eken. Bul kórsetkish boıynsha Qazaqstan 31-orynda tur. Al, shylymqor áıelderdiń kórsetkishi boıynsha 61-orynda. Bul degenimiz Qazaqstandaǵy áıelderdiń 9,3%-y shylym shegedi degendi bildiredi.
2021 jyly qańtar-shilde aralyǵynda Qazaqstanda 8,7 mlrd sıgar, sıgaret, papıros jáne temeki almastyrǵysh ózge de buıymdar shyǵarylǵan. Bul kórsetkish ótken jylmen salystyrǵanda 3,3% az. Aqshalaı mánde elimizde temeki ónimderiniń óndirisi 125,3 mlrd teńgeni qurady.
Sondaı-aq 2021 jyldyń tamyzynda eldegi temeki baǵasynyń jyldyq dınamıkasy 15,9%-ǵa ósti.
Aıta keteıik, DDSU málimeti boıynsha, jylyna shylym shegý saldarynan álemde 8 mıllıonnan astam adam kóz jumady eken. Bul tizimde ózi shylym shekpese de, janyndaǵy adamnyń temekisi tútinenen ýlanǵandar da bar.