ARDAGERLERGE QURMET

Keshe Májilistiń Áleýmettik-mádenı damý komıtetiniń tóraıymy Dınar Nóketaeva bastaǵan depýtattar Uly Jeńistiń 65 jyldyǵy qarsańynda Uly Otan soǵysynyń ardagerleri men bir top tyl eńbekkerlerin saltanatty jaǵdaıda quttyqtady. Parlament Májilisi men “Nur Otan” partııasynyń osy palatadaǵy fraksııasy uıymdastyrǵan bul shara Almaty qalasynda, burynǵy Joǵarǵy Keńestiń ǵımaratynda ótti. Dınar Nóketaeva Májilis Tóraǵasy, “Nur Otan” HDP frak­sııasynyń jetekshisi Oral Muha­med­janovtyń quttyqtaý le­bizin jetkizdi. Ardaqty ardager­ler­diń júrip ótken joldary, maı­dan dalasynda jasaǵan qaı­sar­lyq pen erlikteri óskeleń ur­paqqa úlgi ekenin aıtty. “Qa­zaq­stan Prezı­denti Nursultan Na­zarbaevtyń tapsyrmasyna sáıkes Úkimet, Par­lament depýtattary ardager­ler­diń jaǵdaıyn jaqsartý úshin barlyq múmkindikti jasap otyr. Qaharmandarymyzdyń er­likterin qurmetteý, ardagerlerdiń qamyn oılaý, jastardy patrıot­tyq rýhta tárbıeleý – bizdiń mindetimiz”, – dedi depýtat D.Nó­ketaeva. Májilis depýtattary Turar­bek Asanov pen Gúlmıra Isim­baeva ardagerlerge arnaǵan ystyq lebizderin bildirdi. Aıta ketý kerek, Almaty qa­la­lyq ardagerler keńesiniń Par­la­menttegi bastaýysh uıymynyń mu­ryndyq bolýymen Uly Jeńis­tiń 65 jyldyǵyna oraı kitapsha shyǵarylǵan. Onda ardagerlerdiń maıdandaǵy erlikteri men soǵys­tan keıingi eńbek joldary baıandalǵan. Almaty qalalyq ardagerler keńesiniń tóraǵasy Erenǵaıyp Shaıhýddınov zeınetkerlerge ja­sa­lyp jatqan qoldaýǵa rızashy­lyǵyn bildirdi. Soǵys jáne eńbek ardagerleri Izgilik Dabaev, Ev­ge­nıı Safronov, Raıhan Jal­mýr­zına, Sara Bazarqulova jáne bas­qa­lar sóz sóılep, osy sharany uıymdas­tyrǵandarǵa alǵystaryn aıtty. Ardagerler qurmetine О́ner akademııasynyń stýdentteri shaǵyn konsert berdi. Qadirli meımandarǵa gúl shoqtary men parlamenttik syılyqtar tabys etildi. Sáýle DOSJANOVA, jýrnalıst. ALMATY.