Ýkraına premer-mınıstri Nıkolaı Azarov otstavkaǵa ketti. Bul týraly ITAR-TASS habarlady.
«Eldegi janjaldyń beıbit sheshilýine yqpal etý maqsatynda prezıdentke qyzmetimnen ketý jóninde ótinish jazdym», – dep málimdedi Nıkolaı Azarov.
Aımaqtar partııasy basshysynyń orynbasary Mıhaıl Chechetov endi premerdiń máselesin sheshý prezıdenttiń quzyretinde ekenin málimdedi. «Joǵarǵy Rada qazir bul prosesske yqpal ete almaıdy, – deıdi ol. – Premerdiń otstavkaǵa qashan ketetini jáne onyń ornyna qandaı kandıdatýra usynylaty jónindegi máseleni tek prezıdent sheshedi».
Mıhaıl Chechetovtyń aıtýynsha, eldegi ahýaldy retteý úshin oppozısııa radıkaldardan bólingendigin naqty kórsetýi kerek. «Narazy toptyń aldynda radıkaldy baǵyt ustanǵan bir ne eki júz adam júredi. Al olardyń artynda myńdaǵan oppozısııa jaqtastary bar. Biz oppozısııany óz jaqtastaryn bólip alyp, radıkaldardy qoldamaıtyndyǵy týraly málimdeýge shaqyryp otyrmyz. Jalpy, eldegi ahýaldy retteýge bolatynyna senemin», – deıdi depýtat.
Sondaı-aq Aımaqtar partııasy jetekshileriniń biri Anna German Nıkolaı Azarovtyń qyzmetinen ketýin «kóregen memleket qaıratkeriniń sheshimi» dep baǵalady. Onyń oıynsha, jańa úkimet jastardan qurylýy kerek.
Aıdar О́risbaev.
Derekkóz: Itar-tass.com
Foto: Ria.ru