QR Indýstrııa jáne ınfraqurylymdyq damý vıse-mınıstri Berik Kamalıev Almatyǵa issapar barysynda «Altyn orda» bazary mańyndaǵy avtojol ýchaskesin rekonstrýksııalaý jumysymen tanysty, dep habarlaıdy Egemen.kz.
«Almaty qalasyndaǵy «Altyn Orda» bazary aýdanyndaǵy avtojol ýchaskesin rekonstrýksııalaý jumystaryn aldyńǵy merdiger kompanııa qarqyndy túrde júrgize almaǵan soń, ony jumystan shettetip, basqa merdiger kompanııa, ıaǵnı, «Sıne Mıdas Stroı» kompanııasymen kelisimshart jasastyq. Qazir osy kompanııa jumys júrgizýde. Qazir kórip tursyzdar, kólik jolaıryǵyndaǵy jumystyń 90% bitti. Qazan aıynyń sońyna deıin jumys tolyq aıaqtalady. Iаǵnı, qarasha aıynyń basynda paıdalanýǵa beriledi», dedi Berik Kamalıev.
Onyń aıtýynsha, rekonstrýksııa barysynda kólik jolynyń sapasyna eshqandaı zaqym kelmeıdi. Oblystyq jol zerthanasy jol sapasyn únemi qadaǵalap, tekserip otyrady.
Sonymen birge qazirgi ýaqytta osy jerdegi estakadanyń qurylysy jedel qarqynmen júrip jatyr.