Memleket basshysy Qasym-Jomart Toqaevtyń jańa Joldaýynda elimizdiń búgini men bolashaǵyna qatysty kóptegen mańyzdy másele qozǵaldy. Prezıdent sonyń ishinde mádenıet salasy qyzmetkerleriniń jalaqysyn ósirý týraly da aıtyp ótti.
Rýhanı baılyqtyń qaınar kózi – kitaphanada eńbek etip jatqan men sekildi jas mamandar úshin bul qýanysh, árıne.
Búginde kitaphana salasynda qyzmet etetin er-azamattar saýsaqpen sanarlyq. Sol azshylyqtyń bir ókili bolyp jylǵa jýyq ýaqyttan beri oblystyq kitaphanada eńbek etip kelemin. Osy az ýaqyttyń ózinde bul salanyń qyzyǵyn da, shyjyǵyn da kórip úlgerdim, kóp nárse úırendim. Áli de bolsa meńgeretin qyr-syry jeterlik, sebebi oqyrmannyń izdegenin san myńdaǵan aqparattardyń ishinen taýyp berý, rýhanı qajettiligin qanaǵattandyrý ońaı emes. Dúnıejúzi nebir tehnıkalyq tóńkeristi basynan ótkerip jatyr, sonyń nátıjesinde kóptegen salanyń qyzmet etý aýqymy da ózgeriske ushyrap, keńeıe tústi. Kitaphana da solaı. Tek oqyrmandarǵa qyzmet etip qana qoımaı, kóptegen mádenı is-shara, joǵary deńgeıdegi ǵylymı konferensııalar, oqyrmandarǵa arnalǵan ártúrli zamanaýı kýrstar ótkizedi. Sondyqtan qazir bul salada eńbek etkisi keletin mamanǵa da qoıylatyn talaptar jetip artylady.
О́rkenıetti elder qatarynda turý úshin qaı memlekettiń de ekonomıkalyq, áleýmettik salasynan bólek, mádenı deńgeıi de nazardan tys qalmaýy kerek. Al halyqtyń mádenı damýynda kitaphananyń alatyn orny orasan zor. Prezıdent Joldaýynda aıtylǵan eńbekaqyny ósirý máselesi mardymsyz jalaqyǵa mańdaı terin tógip júrgen árbir kitaphanashy úshin úlken qoldaý, demeý bolary anyq.
Dáýlet JADYRASYN,
L.N.Tolstoı atyndaǵy oblystyq kitaphananyń qyzmetkeri
QOSTANAI