Aqmola polıseıleri jappaı tóbeleske qatysýshylardy oqıǵa ornynda ustady, dep habarlaıdy Egemen.kz.
Buzaqylyq faktisi 8 qyrkúıekte saǵat 02:51 shamasynda «102» pýltine oblys ortalyǵynyń oıyn-saýyq mekemeleriniń biriniń janynda tóbeles bolyp jatqandyǵy týraly telefon habarlamasy kelip túsken. Oqıǵa ornyna patrýldik polısııa ekıpajdary men jedel-tergeý toby dereý jiberildi.
Polıseıler anyqtaǵandaı, oqıǵaǵa qatysýshylar 19-23 jas aralyǵyndaǵy jastar oıyn-saýyq mekemesinde bolǵan. Mas kúıinde qaskúnemderdiń biri basqa jastardyń kompanııasyna jaqyndap, janjal týǵyzdy. Polısııa qyzmetkerleriniń jedel áreketteriniń arqasynda janjalǵa qatysýshylar oqıǵa ornynda ustaldy. Buzaqylyq is-áreketke kúdik boıynsha polısııaǵa barlyǵy tórt adam jetkizildi, onyń ishinde buryn buzaqylyq úshin qylmystyq jaýapkershilikke tartylǵan bas kúdikti – 20 jastaǵy oblys ortalyǵynyń turǵyny.
Qazirgi ýaqytta atalǵan fakti boıynsha QR QK 293-baby 3-bóligi 2-tarmaǵy (Buzaqylyq) boıynsha sotqa deıingi tergeý amaldary júrgizilýde.