«Nıkolas» tropıkalyq daýyly Meksıka shyǵanaǵymen ótip. AQSh jaǵalaýyna jaqyndap kele jatyr, dep habarlaıdy Egemen.kz Reuters-ke silteme jasap.
Amerıkandyq ulttyq daýyl ortalyǵynyń (NHC) málimetteri boıynsha, daýyldyń epısentrindegi jeldiń ekpini saǵatyna 65 shaqyrymǵa jetedi.
Daýyl Meksıka shyǵanaǵynyń jaǵalaýyndaǵy Korpýs Krıstı men Galveston qalalary arasynda ótedi dep kútilýde. Alaıda, NHC boljamy boıynsha «Nıkolas» Hıýston men oǵan jaqyn aýdandar úshin sý tasqynynyń úlken qaýpin týdyratynyn kórsetti. Shtattyń birqatar aýdandary úshin daýyldyń jaqyndaǵany týraly eskertý jarııalandy.
Sınoptıkterdiń habarlaýynsha, daýyl Tehasta jáne Lýızıananyń ońtústik-batysynda nóser jańbyrǵa ákelip, ol aptanyń ortasyna deıin sozylýy múmkin.
Lýızıana gýbernatory Djon Bel Edvards shtatta tótenshe jaǵdaı jarııalady.