Sınoptıkter Almatyda 30 gradýsqa deıin ystyq kútiletinin aıtty, dep habarlaıdy Egemen.kz.
«Qazgıdromet» RMK boljamy boıynsha, megapolıste kúzdiń basy jyly bolady.
«14-15 qyrkúıekte Almatyda kóshpeli bult shyǵady, jaýyn-shashynsyz bolady. Soltústik-shyǵystan 2-7 m/s jel soǵady, aýa temperatýrasy túnde 13-17, kúndiz 26-30 gradýs jyly bolady. 16 qyrkúıekte kóshpeli bult shyǵady, kúndiz jańbyr jaýady, kún kúrkireıdi. Ońtústik-batystan 5-10 m/s jel soǵady, aýa temperatýrasy túnde 16-18, kúndiz 26-28 gradýs jyly bolady», dep habarlady meteorologtar.
Sınoptıkter atap ótkendeı, kúzgi salqyndyq pen jańbyr Qazaqstannyń soltústik bóligine keledi.
«Respýblıkanyń soltústik aımaqtarynda áli de salqyn jáne jeldi bolady, jańbyr jaýady. Buǵan soltústik-batys sıklonnyń qýysymen baılanysty atmosferalyq frontaldy bólimder yqpal etedi. Elimizdiń qalǵan aýmaǵynda joǵary atmosferalyq qysym aıasynda jaýyn-shashynsyz aýa raıy boljanady», dep habarlady «Qazgıdromet».