Mańǵystaý oblysynda memleketke 760 mln teńgeden astam shyǵyn keltirgen eki «qolma-qol aqshaǵa aınaldyratyn» kompanııanyń uıymdastyrýshysy sottaldy. Bul týraly Qarjylyq monıtorıng agenttigi habarlady, dep jazady Egemen.kz.
«Qolma-qol aqshaǵa aınaldyratyn» kompanııalar taýar satpaıdy jáne qyzmet kórsetpeıdi, biraq qarajatty qolma-qol aqshaǵa aınaldyryp, basqa fırmalarǵa aqshalaı syıaqyǵa jalǵan qujat jasaýmen aınalysady.
Bul zańsyz áreketter QR QK 216-baby boıynsha qaralady. Ol úshin 7 jyl merzimge bas bostandyǵynan aıyrýǵa deıingi qylmystyq jaýapkershilik qarastyrylǵan.
Qarjylyq monıtorıng agenttiginiń Mańǵystaý oblysy boıynsha aýmaqtyq departamenti eki ret materıaldyq syıaqy úshin jalǵan shot-faktýra jazyp berýdiń jolyn kesti.
Birinshi jaǵdaıda kásipker Á.Qosbarmaqov Jańaózen qalasynda «О́zen-AQJOL» JShS jáne Qosbarmaqov Ádilet Amankeldiuly» JK atty eki kompanııa qurdy. Júk tasymaly jáne qyzmet kórsetý boıynsha negizgi qyzmettiń ornyna eki kásiporyn atynan 3,1 mıllıard teńgeden astam somaǵa 7 kompanııaǵa jalǵan býhgalterlik qujattardy jazyp bergen.
Osyǵan uqsas derek Aqtaý qalasynda da anyqtaldy. Azamattar I.Agataev pen M. Ábilev «Bóri Aqtaý» JShS quryp, bir top tulǵamen aldyn ala sóz baılasý arqyly 1,5 mıllıard teńgeden astam somaǵa shot-faktýralar jazyp bergen.
«Osy kompanııalardyń zańǵa qaıshy áreketiniń nátıjesinde memleketke tólenbegen salyqtar túrinde 767 mıllıon teńgeden astam somaǵa zalal keltirildi.
Barlyq kináli adam ártúrli merzimge sottaldy», dep habarlaıdy QR QMA baspasóz qyzmeti.