Aqtóbede mektep dırektorynyń aqsha jınaǵanyn, qarjyny shybyn-shirkeıden qorǵaıtyn tor satyp alýǵa suralǵanyn aıtyp, aryz túsirgenderdiń isi qaraldy. Dırektordyń mindetin atqarýshy jazalandy, dep habarlaıdy Egemen.kz.
Oblystyq sybaılas jemqorlyqqa qarsy is-qımyl departamenti jańa oqý jyly bastalǵaly aldyn-alý jumysyn kúsheıtken. Qazirgi kezde oblystaǵy bilim berý mekemelerinde túrli kezdesý ótkizilýde. Oblystyq sybaılas jemqorlyqqa qarsy is-qımyl departamentiniń qyzmetkerleri zańnamalardy túsindirip, jemqorlyqtyń aldyn-alýǵa baqyttalǵan jumys jaıyn baıandady.
«Bıyl bilim berý salasyna qatysty 75 qylmystyq is tirkeldi. Kóbi paraqorlyq pen memleket múlkin talan-tarajǵa salýǵa qatysty boldy. 1424 Call ortalyǵyna muǵalimderden jáne ana-anadan zańsyz aqsha jınaýǵa qatysty habarlamalar da túsip jatyr. Kóbi mektep qajettiligi úshin aqsha jınaıtynyn aıtady. Taıaýda bir aýdandaǵy mektep dırektorynyń mindetin atqarýshy muǵalimderden 600 myń teńge aqsha jınap alǵany týraly habarlama tústi. Tekserýden soń aqshanyń bilim berý uıymyna, naqtylasaq, shybyn-shirkeıden qorǵaıtyn torǵa baǵyttalǵany anyqtaldy. Dırektordyń mindetin atqarýshy tártiptik jazaǵa tartyldy», dep habarlady oblystyq sybaılas jemqorlyqqa qarsy is-qımyl departamenti.