Birikken Arab Ámirlikteri (BAÁ) áýejaılarynda koronavırýs juqtyrǵandar ıt kómegimen izdestiriledi, dep habarlaıdy Egemen.kz.
Qazirgi ýaqytta BAÁ áýejaılarynda 38 ıisshil ıt jumys isteıdi, olar ınfeksııa juqtyrǵandardy 98 paıyz anyqtaı alady.
Dýbaı polısııasy COVID-19 juqtyrǵany rastalǵan adamdardan alynǵan ter tamshylaryn qoldana otyryp, naýqastardy ıisi arqyly tanýdy nemis ovcharkasy, labrador, koker-spanıel jáne border-kollı sııaqty tuqymdy ıtterge úıretken.
Ǵalymdardyń aıtýynsha, bul ádistiń dáldigi 98 paıyzdan asady. Dýbaıda júrgizilgen zertteýde ıtterdiń anyqtaý qabiletin salystyrý úshin 3 290 adamnyń ter úlgileri men PTR-synamasy qoldanylǵan. Jattyǵý bólmesinde on PTR-synama nátıjesi qoıylǵan. Itter olardy ıiskep, tapqanyn bildirý úshin janyna otyrady.
Dýbaı polısııasynyń leıtenanty Naser ál-Falası ıtter qazir kún saıyn shamamen 30-40 tekserý júrgizetinin málimdedi. Ol ıtterdi tek áýejaılarda ǵana emes, qajet jerde qoldanýǵa bolatynyn aıtty.