Orta salmaqta IBF belbeýiniń ıegeri, qazaqstandyq Gennadıı Golovkın kelesi kezdesýin jeltoqsanda ótkizedi, dep habarlaıdy Egemen.kz.
Promoýter Tom Lefflerdiń aıtýynsha, Golovkınniń qarsylasy belgisiz. Al onyń Saýl Alvarespen úshinshi kezdesýi 2022 jyly ótýi múmkin.
«Qazir Golovkın Los-Andjeles qalasynda. Sharshy alańǵa jyldyń sońynda oralýǵa nıetti. Biraq áli eshqandaı kelisimshart jasalmady. Jyldyń sońynda ol sharshy alańǵa shyqqysy keledi», dedi Leffler.
«Alvarestiń DAZN platformasymen kelisimsharty bar kezde onyń qarsylasy Golovkın bolýy kerek edi. Alaıda 2019 jyly ol kezdesý ótpeı qaldy. Bul Golovkınniń kinási emes. Olardyń kezdesýi endi 2022 jyly ótetin shyǵar», dedi promoýter.