Respýblıkalyq arnaıy komıssııanyń qaýlysymen 20 qyrkúıekten bastap О́zbekstanda ashyq alańdar men jabyq keshenderde is-sharalar ótkizýge ruqsat berildi, dep habarlaıdy Egemen.kz uza.uz aqparattyq agenttigine silteme jasap.
«Arnaıy komıssııanyń kezekti otyrysynda respýblıkadaǵy karantındik talaptardy jumsartý arqyly turǵyndardyń demalys kúnderin mazmundy ótkizýge jáne mádenı-rýhanı azyq alýǵa qolaıly jaǵdaılar jasaý máselesi jan-jaqty talqylandy. Atap aıtqanda, tıisti organdardyń usynystaryn eskere otyryp, Respýblıkalyq arnaıy komıssııanyń 2021 jyldyń 20 qyrkúıegindegi sheshimi boıynsha mádenı-saýyq sharalary (teatr, kıno, konsert zaldary), buqaralyq sharalar men kezdesýlerdi ashyq alańdar men jabyq keshender de ótkizýge ruqsat berildi», delingen habarlamada.
Mádenı, oıyn-saýyq, buqaralyq is-sharalar men kezdesýlerdi uıymdastyrýda kelesi karantındik shekteýler saqtalady: Mádenı oıyn-saýyq nysandarynyń jumysshylary men qyzmetshileri jáne qoǵamdyq is-sharalardy uıymdastyrýshylar, qyzmet kórsetýshiler koronavırýstyq vaksınanyń keminde 2 dozasyn (vaksınanyń kez kelgeni) qabyldaǵany boıynsha QR-kodty sertıfıkaty bolýy tqajet;
Oıyn-saýyq ortalyqtaryna kelýshiler; medısınalyq maskada bolý; antıseptıkterdi qoldaný; nysanǵa kirý kezinde dene temperatýrasyn ólsheý sııaqty mańyzdy sanıtarlyq-gıgıenalyq erejelerdi qatań saqtaýy tıis. Bul rette ataýly nysan aýmaǵyna (teatr, kıno, konsert zaldary) jáne kópshilik jınalatyn is-sharalarǵa koronavırýsqa qarsy vaksınasııa týraly QR-kod sertıfıkaty bar kelýshilerdi ǵana kirgizý usynyldy.