Avıakompanııalar jolaýshylardy áýe tasymaly shekteýli adamdardyń tizimine tek sot sheshimi boıynsha kirgize alady. Bul týraly Májiliste kólik máseleleri boıynsha túzetýlerdiń tanystyrylymynda Indýstrııa jáne ınfraqurylymdyq damý mınıstriniń birinshi orynbasary Berik Kamalıev málimdedi, dep habarlaıdy Egemen.kz.
«Qara» tizimge keletin bolsaq, avıakompanııalar ony ózderi jasaıdy. Negizinen, 99% jaǵdaıda «Eır Astana» áýekompanııasy óz tizimin jasaıdy. Endi biz osy tizimge adamdardy tek sot sheshimimen ǵana qosýdy usynamyz. Olar áýejaıǵa kelgennen keıin ákimshilik hattama jasap, sot sheshimine deıin ýaqytsha «qara» tizimge engize alady», dedi Kamalıev.
Osylaısha, usynylǵan zań jobasyna sáıkes, azamattar mundaı tizimge tek ushaq bortyndaǵy quqyq buzýshylyqtar úshin jáne olardy qylmystyq nemese ákimshilik jaýapkershilikke tartý nátıjesinde kinási dáleldengen jaǵdaıda ǵana tirkeledi.
Sondaı-aq, zań jobasymen «ádil mádenıet» ınstıtýty engizilýde, onyń negizgi qaǵıdaty - azamattyq avıasııa salasyndaǵy qasaqana buzýshylyqtarǵa nemese durys emes minez-qulyqqa qatysty tózbeýshilik.