Germanııanyń Oberstdorf qalasynda mánerlep syrǵanaýdan ISU Challenger kezeńi aıasynda básekeler bastaldy, dep jazady Egemen.kz UOK baspasóz qyzmetine silteme jasap.
ISU Challenger — Nebelhorn Trophy týrnırine Qazaqstannan Dıas Jırenbaev pen Bagdana Rahıshova qatysty.
Erler arasynda qysqa baǵdarlama qorytyndysy boıynsha Dıas Jırenbaev 28-shi orynnan kórindi. Al áıelder arasynda synǵa túsken otandasymyz Bagdana Rahıshova 33-shi orynǵa jaıǵasty.
Aıta keterligi, erler arasynda AQSh ókili Vınsent Chjoý jeńimpaz atandy. Fransııa sportshysy Adam Sıao Hım Fa ekinshi bolsa, Avstralııanyń mánerlep syrǵanaýshysy Brendan Kerrı úzdik úshtikti qorytyndylady.
Áıelder arasyndaǵy básekede AQSh ókili Alısa Lıý top jardy. Shveısarııalyq Aleksııa Paganını kúmispen kúptelse, belarýsııalyq Vıktorııa Safonova qola júldeni qanaǵat tutty.