Bul jaıynda qoǵamdyq kommýnıkasııa ortalyǵynda ótken brıfıngte Mańǵystaý oblysy Tótenshe jaǵdaılar departamenti basshysynyń orynbasary Bekbolat Abdıkadyrov aıtty, dep habarlaıdy Egemen.kz.
«Bıyl 11 adam sýǵa ketti. Tirkelgen 11 faktiniń tórteýi tyıym salynǵan jerlerde oryn alsa, altaýy sýǵa shomylý úshin jabdyqtalmaǵan aımaqta bolǵan. Taǵy bir sýǵa ketý faktisi shomylýǵa ruqsat etilgen «Samal» demalys bazasynyń aımaǵynda oryn alǵan. Sonymen qosa sýǵa ketken 1 bala jáne 19 eresek qutqaryldy», dedi Bekbolat Abdıkadyrov.
Departament málimetinshe, ótken jyly 9 adam sýǵa ketken. Oqys oqıǵalardyń basym kópshiligine azamattardyń sýdaǵy qaýipsizdik sharalaryn saqtamaı, tyıym salynǵan jerlerde shomylýy sebep bolyp otyr.