ODAQQA KIRMEK OIY BAR
Armenııa Keden odaǵyna (oǵan Reseı, Qazaqstan jáne Belorýssııa múshe) kirgisi keletinin málimdedi. Tipti bul jóninde Armenııa premer-mınıstri Tıgran Sarksıan Reseı úkimeti basshysynyń birinshi orynbasary Igor Shývalovpen kelissóz de júrgizipti.
Biraq bul el odaqqa múshe memleketterdiń eshqaısymen shekaralas emes. Armenııa Reseıdiń basqa elderdiń ortasynda jatqan Kalınıngrad oblys-anklavynyń jaǵdaıynda bolmaq. Sondaı-aq Búkilálemdik saýda uıymy da óz músheleriniń basqadaı kedendik odaqqa kirgenin quptamaıdy. Al Armenııa – BSU-ǵa múshe. Demek, másele kóp.
PARLAMENTTEGI TО́BELES
Ýkraına parlamenti – Joǵarǵy Radada órkenıetti elge jaraspaıtyn jaǵdaı boldy: Reseıdiń Qara teńizdegi flotynyń Qyrymda bolýy jónindegi kelisimdi talqylaýdy depýtattar kóshe buzaqylarynsha tóbeleske aınaldyrdy. Aýzy-murny qanaǵandar óz aldyna, parlamenttiń jumysyna jol bermes úshin barrıkadalar uıymdastyrdy. Munyń bárin álem telearnalary birinshi kezekte kórsetip jatty. Eldiń abyroıyn túsiretin mundaı áreketterge barǵan depýtattarǵa jaza qoldaný jolyn da izdestirgen jón-aý deısiń.
ESIRGENDER ESKERTEDI
Belgisiz bireýler Facebock áleýmettik jelisine Serbııa prezıdenti Borıs Tadıchti qorqytqan joldaý ornalastyrypty. Eldiń quqyq qorǵaý organdary oǵan shyndap qaraý kerektigin málimdep otyr. Ishki ister mınıstrligi Facebock jelisinen álgi qorqytýshylardyń meken-jaıyn surapty. Mundaı qorqytýlar buryn da bolǵan eken. Ishki ister mınıstri Ivısa Dachıch te esirtki kartelderinen osyndaı qorqytýlar alypty. 2003 jyly premer-mınıstr Zoran Djındjıch sondaı qorqytýdan keıin mergenniń oǵynan qaza tapqan edi.
JOQ ELDIŃ PREZIDENTI BAR
Jaqynda Sýdanda prezıdent saılaýy ótti. Qazirgi el prezıdenti Omar Hasan ál-Bashır jeńiske jetti. Ol saılaý arqyly, mine, 24 jyl bılik tizginin ustap keledi. Sondaı-aq ol Halyqaralyq qylmystyq sot áskerı qylmysy úshin izdeý salǵan birden-bir memleket basshysy. Biraq ál-Bashır óz eline tolyq bılik qurmaýy múmkin. Ońtústik Sýdannyń halqy 92,99 paıyzben Salva Kırdi prezıdent saılady. Sýdanda birazdan keıin referendým ótedi. Onda Ońtústik Sýdannyń táýelsizdigi týraly másele sheshiledi. Onda Ońtústik táýelsizdik alsa, onyń prezıdenti daıyn.
BRITANIIа BAILARY – BASQALAR
“Sunday Times” gazeti Ulybrıtanııanyń eń baı adamdarynyń tizimin túzipti. Onyń basynda úndistandyq bıznesmen Lakshmı Mıttal (34,4 mıllıard dollar) men reseılik bıznesmen Roman Abramovıch (11,4 mıllıard dollar) tur. Eń baı degen aǵylshyn Vestmınıstr gersogy Jerald Kabendıch Grosvenor ǵana úshinshi orynda (10,3 mıllıard dollar) eken.
ChAVES NE AITPAIDY
Venesýelanyń aıqaıy kóp prezıdenti Ýgo Chaves kórshisi Kolýmbııany AQSh-tyń barlaýshylyq operasııalaryna qatysyń bar dep aıyptady. Oǵan negiz – Venesýelanyń barlaýshylary Kolýmbııanyń jerinen AQSh ushaqtaryn kórip qalypty. Demek, olar AQSh-tyń Venesýelaǵa qarsy áreketin qoldaıdy. Kolýmbııa jaǵy da, AQSh jaǵy da Chavestiń aıqaı aıybyna jaýap ta bermegen. Sirá, olar Chaves ne aıtpaıdy dese kerek.
QYSQALARǴA QYSPAQ
Nemistiń avtokólikti paıdalanýǵa beretin bir kompanııasy ózderiniń jarnamasynda Fransııa prezıdenti Nıkolıa Sarkozıdiń boıynyń alasalyǵyn ájýa etipti: “Madam Brýnı sııaqty ózderińizge qyp-qysqa fransýz alyńyzdar” degen sóz jazylǵan hetchbek shyǵarypty. Artyq ketkenderin ańǵarǵan Sixt kompanııasy keıin keshirim suraǵandaı, bul jaı ázil edi dep aqtalypty. Al áńgime el basshylary boıynyń qysqalyǵy týraly bolsa, KHDR kósemi Kım Chen Ir men Reseı prezıdenti Dmıtrıı Medvedev Sarkozıden de alasa eken.
BETIŃDI AShYP JÚR
Belgııa parlamentiniń tómengi palatasy qoǵamdyq oryndarda páránji jáne hıdjab kıip júrýge tyıym salǵan zań qabyldady. Bul zańdy qoldap 150 depýtattyń 148-i qol kóteripti. Zańdy buzǵandarǵa 15-25 eýro aıyp salynady, áıtpese 7 kúnge deıin qamaýǵa alynady. Bul zańnyń qabyldanýynyń basty sebebi – betin japqan adamdy tanýǵa bolmaıdy, sondyqtan ol qoǵamdyq qaýipsizdikke nuqsan keltirýi múmkin. Bul zań kúshine enýi úshin ony parlament senaty da qoldaýy kerek. Bul zańǵa qarsylar da bar – ony adam quqyna qaıshy deıdi olar.
Ázirlegen Mamadııar JAQYP.