Bul týraly Tájirıbeshil ekologtar qaýymdastyǵynyń tóraıymy Laýra Malıkova Nur-Sultan qalasynda aýa sapasyna arnalǵan konferensııada aıtty, dep jazady Egemen.kz.
Spıkerdiń aıtýynsha, tehnıkalyq baıqaý (tehosmotr) tetigi 2011 jyldan beri jeke sektorǵa berilgen.
«Buǵan deıin ony memlekettik sektor júrgizse, 2011 jyldan bastap jekemenshik kompanııalar iske asyryp keledi. Qazirgi ýaqytta keıbir avkólik ıesi tıisti qujatty aqshaǵa satyp alǵany týraly faktiler kezdesedi. Sondyqtan osy máselelerdi jaýapty mınıstrlikke, Indýstrııa jáne ınfraqurylymdyq damý mınıstrligine jetkizdik. Bıyl qazan aıynda tehnıkalyq baıqaýdy júrgizetin jekemenshik kompanııalardyń jaýapkershiligin arttyrý maqsatynda birqatar normalarǵa ózgeris engizý qarastyrylmaq», dedi Malıkova.
Atalǵan kompanııalar tehnıkalyq baıqaýdan ótken kólikterge berilgen qujatqa, kóliktiń baıqaýdan laıyqty deńgeıde ótýine jaýap beredi. Eger teksermesten jalǵan qujat berse, soǵan sáıkes jaýapkershilik qarastyrylady.