Jospardan tys tekserýdiń qorytyndysyn jeleý etip, kásiporyn dırektorynan 10 mln teńge para bopsalaǵany úshin ustalǵan qaraǵandylyq sheneýnik 3 jylǵa bas bostandyǵynan aıyryldy, dep habarlaıdy Egemen.kz.
QR Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Qaısar Barjaqsynov Antikor aqparat alańynda aıtty.
«Sybaılas jemqorlyqqa qarsy qyzmet tergegen qylmystyq ister boıynsha birqatar aıyptaý úkimi shyqty. Mysaly, 2021 jyldyń 21 qyrkúıeginde Qaraǵandy qalasy Qazybek bı aýdandyq sotynyń úkimimen alaıaqtyq jasaǵany úshin Kenjebaeva 3 jylǵa bas bostandyǵynan aıyryldy. Onyń jazasy balasy kámelet jasyna tolǵanǵa deıin keıinge qalady. Sottalýshy qylmys jasaǵan kezde Qaraǵandy oblysy boıynsha ekologııa departamenti basshysynyń orynbasary mindetin atqardy», dedi agenttiktiń asa mańyzdy ister jónindegi tergeýshisi.
Onyń aıtýyna qaraǵanda, ekologııa departamentiniń eks-ókili jospardan tys tekserý barysynda anyqtalǵan ekologııalyq zalaldy azaıtý syltaýymen jaýapkershiligi shekteýli seriktestiń dırektorynan 10 mln teńge kóleminde para bopsalaǵan.
«Úkim zańdy kúshine engen joq», dedi Qaısar Barjaqsynov.