Almatyda karantın sharalaryn buzǵan «qyzyl» mártebesi bar 267 adam aıyppul tóleıdi, dep habarlaıdy Egemen.kz.
«Ashyq arqyly 14 kúndik úı karantınin buzǵan 267 almatylyq ákimshilik jaýapqa tartylyp, 30 AEK kóleminde aıyppul tóledi», dep habarlady sanıtarlyq-epıdemıologııalyq baqylaý departamenti.
COVID-19-ǵa PTR test tapsyryp, oń nátıjesin alǵan almatylyqtar qoǵamdyq oryndarǵa baryp, «ASHYQ» boıynsha jumys isteıtin nysandarda, dálirek aıtqanda, HQKO, meıramhanalar, fıtnes-ortalyqtar, áýejaı, kınoteatrlar, kompıýterlik klýbtar, basseınder sııaqty basqa da nysandardyń qyzmetterin paıdalanýǵa tyrysty.
«Qyzyl» statýsy anyqtalǵan turǵyndar «ASHYQ» jobasy boıynsha jumys isteıtin obektilerge jiberilmeıdi. О́zin-ózi oqshaýlaý rejımin kóbinese keńse uıymdary, áleýmettik sala, bilim berý uıymdary, bankter, saýda, qarjy naryǵy, áleýmettik qyzmetter, qoǵamdyq tamaqtaný jáne basqa da nysandardyń qyzmetkerleri buzady», delingen habarlamada.
Sanıtarııalyq-epıdemıologııalyq baqylaý departamenti ambýlatorlyq em alyp jatqan azamattardy ózin-ózi oqshaýlaý rejımin buzbaýǵa jáne qoǵam aldynda azamattyq jaýapkershilikti umytpaýǵa shaqyrady.