Shyǵys Qazaqstan oblysynda polısııa qyzmetkerleri mal urlyǵyna tosqaýyl qoıý úshin et ónimderi satylatyn oryndarǵa reıd júrgizdi, dep habarlaıdy Egemen.kz.
ShQO Polısııa departamenti baspasóz qyzmetiniń málimetine súıensek, krımınaldyq polısııa qyzmetkerleri, Aýyl sharýashylyǵy basqarmasy mamandary jáne veterınarlardyń qatysýymen et ónimderi satylatyn bazarlar, pavılondar, jármeńkeler men dúkenderge reıd júrgizildi.
«Qylmystarǵa jasalǵan taldaý nátıjesinde, kúz bastalýymen saýda oryndarynda urlanǵan maldyń etin satý faktileriniń sany artqany belgili bolyp otyr. Shara barysynda О́skemen jáne Semeı qalalarynyń et satý oryndary jáne et tasymaldaǵan 52 avtokólik tekserildi. ÁQBtK-niń 406-babyna sáıkes (et ónimderin tasymaldaý erejelerin buzý) 16 adam ákimshilik jaýapqa tartyldy», dep habarlady vedomstvo ókilderi.
Sonymen qatar polısııa qyzmetkerleri jeke kásipkerlerge qylmystyq jolmen alynǵan ónimdi satyp alǵany úshin jaýapqa tartylatyndyǵy týraly, tıisti qujattardy rásimdeý qajettiligi jaıly túsindirý jumystary júrgizildi.