Álemdegi barlyq ólimniń jartysynan kóbi Amerıka Qurama Shtattarynda, Reseıde, Brazılııada, Meksıkada jáne Úndistanda tirkelgen.
Reuters agenttiginiń taldaýyna sáıkes, 2,5 mıllıon adam bir jyldan astam ýaqytta qaıtys bolsa, kelesi 2,5 mıllıon ólim sany segiz aıdan az ýaqyt ishinde tirkelgen.
Sońǵy aptada álemde orta eseppen kún saıyn 8000 adam nemese mınýtyna bes adam qaıtys bolǵan. Alaıda keıingi kezde dúnıe júzi boıynsha ólim-jitim deńgeıi tómendeı bastaǵan.
Sarapshylar «Delta» nusqasynyń keńinen taralýymen vaksına alyp úlgermegen elderdegi jaǵdaı qıyndaı túskendigin, sondaı-aq vırýstyń bul nusqasy baı jáne kedeı elderdiń arasyndaǵy vaksınalaý alshaqtyǵyn naqty kórsetkenin aıtady.
Sońǵy kúnderi vaksınalardy kedeı elderge jetkizýge kóbirek kóńil bólinýde. О́zge tabysty elder vaksınanyń úshinshi komponentin usynyp jatqanda, keı elderdiń halqy áli alǵashqy dozasyn da alyp úlgermegen.
Agenttiktiń statıstıkalyq málimetterine sáıkes, dúnıe júzi turǵyndarynyń jartysynan kóbi vaksınaǵa áli qol jetkizbegen.