Memleket basshysynyń atyna Qaraǵandy qalasyndaǵy Kardıohırýrgııalyq ortalyqta júrekterine kúrdeli operasııa jasalǵan emdelýshiler Iа.Sherbınanyń, H.Jandáýletovtiń jáne R.Táshenovtiń hattary kelip tústi, dep habarlady Qazaqstan Respýblıkasy Prezıdentiniń baspasóz qyzmeti.
Hat avtorlary óz oblystaryndaǵy kardıologtardyń baqylaýynda bolǵanda olardan áldeneshe ret júrekterine koronarografııa jáne operasııa jasatý týraly usynys alǵandaryn habarlaıdy. Buryn Qazaqstanda mundaı operasııalar Astana qalasynda ǵana jasalyp, kvotaǵa degen kezekterin jyldar boıy kútýge týra keletin. Onyń ústine mundaı operasııanyń qunyn tóleýge shama jete bermeıtin.
“Densaýlyq saqtaý salasyndaǵy reformalarǵa oraı klınıkany, dárigerdi tańdaý múmkindigine baılanysty bilgenimizde mundaı operasııalar júrgizilip kele jatqan Qaraǵandydaǵy Kardıohırýrgııa ortalyǵy týraly anyqtap bildik. Onyń ústine bul klınıkaǵa Eýropanyń jetekshi mamandary qamqorlyq jasaıdy eken.
Bizdiń úlken qýanyshymyzǵa oraı aldyn ala konsýltasııalardan keıin jatatyn kúnimizdi belgiledi. Emdeýdi jáne zertteýdi tegin júrgizdi.
Mundaı jaǵdaıdyń ózi biz úshin tipti de qatardaǵy oqıǵa emes, sondyqtan da Sizge barlyq aýrýlardyń atynan zor rızashylyǵymyzdy bildirip, hat jazbaı tura almadyq. Qazir barlyǵymyzda úmit paıda boldy. О́ıtkeni, júrektiń ıshemııalyq aýrýy “jasaryp” barady, al medısınalyq operasııa jasalmasa, pasıentterdiń deni múgedek bolyp qalady.
Sizge densaýlyq jáne qarapaıym adamdar úshin aıryqsha qajet te mańyzdy reformalar kóp bolsyn dep tileımiz”, – delingen hatta.