Ishki ister mınıstri Erlan Turǵymbaev qyzdy sýısıdten qutqarǵan Nur-Cultan qalasynyń polıseılerin marapattady, dep jazady Egemen.kz IIM resmı saıtyna silteme jasap.
Ishki ister mınıstri patrýldik polısııa polki vzvodynyń komandıri Almaz Qultanovqa, polk qyzmetiniń ınspektorlary Asylhan Nurmuhambetov pen Nursultan Sarıevke jedel ári úılesimdi is-áreketteri úshin jeke alǵysyn bildirip, polıseılerdi IIM-niń «Quqyq tártibin qamtamasyz etýge qosqan úlesi úshin»medalimen marapattady.
«Kún saıyn búkil el boıynsha myńdaǵan polısııa qyzmetkerleri azamattardyń qaýipsizdigi men tynyshtyǵy úshin qyzmet atqarady. Olardy qylmystyq qol suǵýshylyqtan qorǵaıdy jáne qıyn ómirlik jaǵdaıǵa tap bolǵan adamdarǵa kómektesedi. Bizdiń qatarymyzǵa kirgen árbir adam polısııa qyzmeti janqııarlyqty, batyldyqty jáne adamdar úshin ómir men densaýlyǵyn qaterge tigýge daıyn bolýdy talap etetinin túsinedi», dedi marapattaý rásimi kezinde IIM basshysy.
Ol óz sózinde osyndaı synı jaǵdaılarda polısııa qyzmetkerleri birneshe sekýnd ishinde jaýapty sheshimder qabyldaýǵa májbúr ekenin, keıde mundaı sheshimder adamnyń taǵdyryn sheship jatatynyn atap ótti.
«Tek kásibılikpen jáne óz mindetterine jaýapkershilikpen qaraý, ár adamnyń problemalaryna nazar aýdarý arqyly ǵana senimge qol jetkizýge bolady. Siz jáne sizdiń áriptesterińiz aldaǵy ýaqytta da óz qyzmettik boryshyn úlgili jáne janqııarlyqpen atqaratynyna senimdimin», dedi Erlan Turǵymbaev marapattalǵandarǵa.
Eske sala keteıik, 3 qazan kúni elordalyq polıseı Almaz Qultanov Qabanbaı batyr dańǵylyndaǵy kópirden sekirgen qyzdy jaǵaǵa alyp shyqty. Keıin Nur-Sultan qalasynyń densaýlyq saqtaý basqarmasy elordada kópirden sekirip ketken júkti áıeldiń jaǵdaıy týraly málimet berdi.