Jambyl oblysyndaǵy Teris-Ashybulaq aýlynyń mektep oqýshylary 10 kúnnen beri sabaqqa bara almaı júr. Bul týraly «Astana» telearnasy habarlady.
Teris-Ashybulaq aýylynyń oqýshylary 1 jyldan beri kórshiles Aqtóbe aýylyndaǵy mektepke qatynap oqıdy eken. Osy mektepke balalardy tasymaldaıtyn avtobýstyń buzylý sebebinen oqý baǵdarlamasyn jalǵastyrýdyń sáti túspeı tur.
Jýyrda balalardy kórshi mektepke alyp shyqqan jeńil kólik jarty jolda apatqa ushyrap, oqýshylar zardap shegipti. Al Qyzyl aryq aýyldyq okrýginiń ákimi Ermek Seıdalıev jańa kólik alǵansha, oqýshylardy eski avtobýspen tasymaldaýǵa májbúr ekendikterin alǵa tartty. Biraq, ony satyp alýǵa bıyl qarajat qarastyrylmaǵan kórinedi.
Osy máselege baılanysty telearna tilshisi aýdandyq bilim bólimine habarlasqanynda, oqýshylarǵa jańa avtobýstyń keler jyly bólinetinin aıtypty.
Ámirhan Almaǵanbetov.
Derekkóz: «Astana» telearnasy.
Foto: Novate.ru.
.