21-24 qazan kúnderi Qytaıdyń bas shahary Beıjińde short-trekten Álem kýbogynyń kezeńdik saıysy ótedi.
Kúni keshe ǵana Qazaqstan ulttyq qurama komandasynyń bapkerleri Qytaıda qandaı quramda óner kórsetetinderin jarııa etti. Erler arasynda Denıs Nıkısha, Abzal Ájǵalıev, Ádil Ǵalıahmetov, Nurtilek Qajyǵalı, Erkebulan Shamuhanov jáne Mersaıd Jaqsybaev syndy short-trekshiler saıysqa túsedi. Áıelder saıysynda Álııa Ámirǵalıeva, Ásel Taıshymanova, Iаna Han, Olga Tıhonova, Alena Volkovıskaıa jáne Mádına Janbosynovaǵa senim artylyp otyr.
Esterińizge sala keteıik, bıylǵy jyldyń sońyna deıin Álem kýbogy sanatyna enetin taǵy tórt kezeńdik saıystar ótedi. Bul básekelerdi Japonııanyń Nagoıa (28-30 qazan), Majarstannyń Debresen (18-21 qarasha) jáne Nıderlandtyń Dordreht (25-28 qarasha) qalalary qabyldaıdy.