14 qazannan bastap О́zbekstandaǵy Prezıdenttik saılaýda merziminen buryn daýys berý bastaldy. Bul merzim 14-20 qazan aralyǵyna eseptelgen, dep habarlaıdy Egemen.kz.
Saılaý zańnamasyna sáıkes, О́zbekstanda saılaýdyń negizgi kúninde qandaı da bir sebeptermen turǵylyqty jeri boıynsha daýys bere almaıtyn azamattar merzimge deıin daýys berýge quqyly.
Merzimge deıin daýys berý saılaýdan on kún buryn bastalyp, aıaqtalýyna úsh kún qalǵanda aıaqtalady. Shetelde júrgen ózbekstandyqtar úshin 49 elde saılaý ýchaskesi ashyldy.
Qazaqstan aýmaǵynda ýchaskeler Nur-Sultan, Almaty jáne Aqtaý qalalaryndaǵy dıasporalyq ókildikterde ashylǵan, sondaı-aq barlyq oblystarda kóshpeli saılaý komıssııalary jumys isteıtin bolady.
Eske sala ketsek, О́zbekstan prezıdentin saılaý 24 qazanda ótedi. Saılaýǵa bes kandıdat, sonyń ishinde qazirgi Prezıdent Shavkat Mırzııoev qatysýda.