Teńge baǵamynyń ózgerýi ulttyq ekonomıkaǵa qolaıly áser etpek

Elimizdegi teńge baǵasy­nyń Ulttyq banktiń she­shi­mimen kúrt ózgerýine qatysty kórshi elderdegi sarapshylar da óz pikirlerin bildirý ústinde  «Qazaqstanda eldiń Ulttyq bankiniń jarııalaýymen teńge baǵamyn túzetý júzege asty, – dep málimdedi «Qyrǵyzstan Qaz­kom­mersbank» AAQ qazyna­shy­ly­ǵynyń basshysy Aıbek Qara­muratov. – Eger biz sońǵy kezderi Reseı rýbli men qyrǵyz somynyń dollarǵa qatysty kúrt quldyraı bastaýyn baıqasaq, osy ýaqyttar aralyǵynda teńgeniń dollarǵa qa­tysty baǵamy 155-160 teńge kóle­minde neǵurlym turaqtylyqty saqtap kelgen bolatyn. Meniń oıymsha, endi Qazaqstan Ulttyq ban­ki de óziniń kórshilerindegi oryn alǵan jaǵdaıǵa qatysty Qa­zaq­stan teńgesiniń shynaıy kýrsyn naqtylaý isine kirisip otyr». Sarapshy osyǵan baılanysty Qazaqstanda birinshi kúni edáýir dárejede abyrjýshylyqtyń etek alǵandyǵyn aıtady. Osy jaǵdaıǵa baılanysty 1 dollardyń quny 200 teńgeden astam mólsherge deıin sharyqtap ketip otyr. Al keı­bir bankter qosymsha sharalar qabyl­danǵanǵa deıin  konvertasııa­laýdy toqtatqan. «Meniń oıymsha, rynoktaǵy bul abyrjýshylyq aptanyń aıa­ǵy­na deıin basylyp, teńge baǵa­my tu­raqtanatyn bolady. Ol 1 dollarǵa 190 teńgeden aspaýy múmkin», – deı­di sarapshy. Osyǵan baılanysty Aıbek Qa­ra­muratov qyrǵyz kásipkerlerin má­seleniń artyn kúte turýǵa sha­qyr­ǵan. Ol bir-eki kúnniń ózinde jaǵ­daı neǵurlym anyqtala túsetin bo­lady dep esepteıdi. Freedom Finance ınvestısııalyq kompanııasynyń korporatıvtik klıenttermen jumys jónindegi bas­qarma  tóraǵasy Sáken Úserdiń boljamynsha, Qazaqstan Ulttyq ban­kiniń bul sharasy qazaqstandyq shıkizat kompanııalary úshin qo­laı­ly áser etpek. «Eger mundaı kompanııalar­da shıkizat satý dollarmen jú­ze­ge asyrylatyndyǵyn esepke ala­tyn bolsaq, olardyń kelesi toq­san­dyq esepteri boıynsha tabatyn tabys kólemi qazirgiden edáýir ar­ta túsetindigin boljaýǵa bola­dy. Bul ásirese, «Qazaqmys», «Qaz­MunaıGaz» Barlaý О́ndirý» AQ sekildi iri kompanııalarǵa qa­tysty kútiletin jaıt. Búgingi kúni London bırjasynda tirkelgen barlyq qazaqstandyq kompanııalar 8-15 paıyz kóleminde ósim alatyn bolady», – dep málimdedi ol. Osyǵan baılanysty sarapshy tutynýshylarǵa London bırjasynda tirkelgen qazaqstandyq kompanııalardyń dollarlyq aksııalaryn satyp alý jóninde keńes bergen. Onyń aıtýynsha, keshegi kúnniń ózinde qazaqstandyq qor bırjasyndaǵy osyndaı kompanııalardyń aksııalarynyń baǵasy 8-22 paıyz aralyǵynda óse túsken. «Teńge baǵamyna ózgeris­ter onyń osy ýaqytqa deıin qalyptasqan baǵamyn tu­raqty ustap turý qıyndyq týdyr­ǵandyqtan júzege asty dep esep­teımin. Teńge boıynsha bankaralyq stavka óte joǵary deńgeıde boldy. Bul bank sektorynyń kiristiligine keri áserin tıgizdi. Sondyqtan erte me, kesh pe bul stavkany ózgertýge báribir týra keletin edi», – deıdi sarapshy. Onyń aıtýynsha, Ulttyq bank­tiń bul qadamy jalpylaı alǵanda, Qazaqstan ekonomıkasyna, onyń ishinde shıkizat ekonomıkasyna oń áser etpek. Osy rette sarapshy teńge baǵamynyń jos­parly túrde ózgerýine rýbldiń qazirgi jaǵdaıda eleýli áser etken dep esepteıdi. «Degenmen, bul jerde rýblge qaraǵanda teńgeniń retteýge neǵurlym beıim ekendigin aıtýymyz kerek. Eger  bul máseleni Keden odaǵy aıasyndaǵy ıntegrasııalyq úderisterge qatysty qarastyratyn bolsaq, onda Ulttyq banktiń bul qadamyn osy máselede neǵurlym oryndy, atalǵan odaq aıasynda ult­tyq ekonomıkany qorǵaýǵa ba­ǵyt­talǵan shara retinde atap kór­se­týimiz kerek», – deıdi Sáken Úser. Suńǵat ÁLIPBAI, «Egemen Qazaqstan».