Qazaqstan Respýblıkasy Parlamenti Senatynyń depýtaty Sársenbaı Eńsegenov pen Májilis depýtaty Serikjan Qanaev Baký qalasynda ótken TúrkPA Ekonomıka, saýda jáne qarjy máseleleri boıynsha komıssııasynyń úshinshi otyrysyna qatysty.
Jıynda «Kólik baılanysynyń túrkitildes elder arasyndaǵy ekonomıkalyq yntymaqtastyqtaǵy róli» týraly baıandama tyńdalyp, TúrkPA-ǵa múshe elderdiń parlamentteri men úkimetterine arnalǵan usynystar qabyldandy.
Jınalys barysynda sóz alǵan senator S.Eńsegenov Prezıdent N.Nazarbaevtyń bıylǵy Joldaýynyń negizgi erejelerimen tanystyrdy. Sondaı-aq, senator Qazaqstannyń kólik jáne tranzıt áleýetin ulǵaıtý sharalary týraly aıta kelip, Qorǵas, Jetigen, О́zen – Túrkimenstan shekarasy temirjol tarmaqtarynyń iske qosylǵanyn jáne uzyndyǵy 1200 shaqyrym bolatyn Jezqazǵan – Beıneý temirjol tarmaǵy men Batys Qytaı – Batys Eýropa memleketaralyq tas joldyń qazaqstandyq bóligin salý jumystarynyń aldaǵy ýaqytta aıaqtalatyny týraly habardar etti.
Bul turǵyda S.Eńsegenov kólik qatynastary salasynda TúrkPA-nyń saraptamalyq áleýetin kúsheıte otyryp, taıaý bolashaqta úlgi zańdar qabyldaýǵa nazar aýdarý qajettigi týraly pikirin bildirdi, dep habarlady Senattyń baspasóz qyzmeti.