Almaty oblysynda 300-den astam ýly jylandy asyraǵan azamat ustaldy. Bul týraly Gazeta.kz habarlady.
Almaty oblystyq ishki ister departamenti qylmysqa qarsy kúres basqarmasynyń qyzmetkerleri Qarasaı aýdanyna qarasty Bereke aýyly turǵynynyń sharýa qojalyǵynda 300 qarasur jylan men 10 orta azııalyq ábjylan bar ekenin anyqtady. Sondaı-aq sol jerden ýǵa toltyrylǵan shyny ydystar tabylǵan.Bir eskererligi, bul jylandar Qazaqstannyń reptılııa faýnasynyń tizimine engizilmegen.
Quqyq qorǵaý qyzmetkerleriniń aıtýynsha, elimizde qarasur jylan mekendemeıdi. Sondyqtan ony kúdikti kontrabandalyq jolmen Túrikmenstannan ákeledi eken. Al orta azııalyq ábjylandy TMD aýmaǵynan kezdestirý tipti múmkin emes.
Jalpy, atalǵan jylandar adam ómiri úshin óte qaýipti. Degenmen, olardy sıntetıkalyq esirtki jasaýǵa paıdalanady degen derek bar. Qazir ustalǵan azamattyń ústinen qylmystyq is qozǵaý máselesi qarastyrylýda.
Ámirhan Almaǵanbetov.
Derekkóz: Gazeta.kz.
Foto: Gazeta.kz.