Temirtaýda jol apatynan 37 jastaǵy áıel kóz jumdy. Ony jaıaý júrginshiler ótkelinde jas júrgizýshi qaǵyp ketti, dep habarlaıdy Egemen.kz.
Oqıǵa 18 qazanda, saǵat 06:30 shamasynda boldy.
22 jastaǵy RAV4 avtokóliginiń júrgizýshisi B.Momyshuly dańǵylymen júrip, «Vılla» meıramhanasynyń mańynda rettelmeıtin jaıaý júrginshiler ótkeli boıynsha joldan ótip bara jatqan áıeldi qaǵyp ketti.
Aldyn ala málimetter boıynsha, jeńil kóliktiń júrgizýshisi kólikti basqara almaı qalǵan.
«Jol-kólik oqıǵasy saldarynan 37 jastaǵy qala turǵyny oqıǵa ornynda kóz jumdy. Bul fakt tirkeldi. Tıisti saraptamalar taǵaıyndaldy, olardyń nátıjeleri boıynsha prosessýaldyq sheshim qabyldanady», dep habarlady Qaraǵandy oblysy PD baspasóz qyzmeti.