Bul týraly Ortalyq kommýnıkasııalar qyzmetinde ótken brıfıngte QR Mádenıet jáne sport vıse-mınıstri Nurqısa Dáýeshov málimdedi, dep jazady Egemen.kz.
«Nur Otan partııasynyń saılaýaldy baǵdarlamasyna sáıkes, aldaǵy 5 jylda 259 mádenı nysannyń qurylysy júrgiziledi. Bıyl respýblıka boıynsha 89 nysannyń qurylysy aıaqtalýy tıis. Bul rette 2025 jylǵa deıin 1241 nysan jóndeletin bolady. Bıyl 250 astam mádenı nysan jóndelýde», dedi vıse-mınıstr.
Sonymen qatar, qazaqstandyqtar men sheteldik týrıster arasynda tanymal etý maqsatynda respýblıkalyq mýzeı-qoryqtar aýmaǵynda 8 vızıt-ortalyq salynatyn bolady. Sondaı-aq, «Zaǵıp jáne kózi nashar kóretinderge arnalǵan kitaphanalar qoryn ulǵaıtý» is-sharasy qolǵa alynǵan.