Aqtoǵaı aýyldyq okrýginiń ortalyǵy Qotyrtas aýylynyń turǵyndary endi kógildir otynnyń ıgiligin kóretin boldy. Aýyl irgesindegi gaz bólý beketine jınalǵan qotyrtastyqtardy aýdan ákimi Erbol Danaǵulov eldi mekenge gazdyń kelýimen quttyqtap, mundaı turmystyq ıgiliktiń Elbasynyń syndarly saıasatynyń, oblys ákimi Arhımed Muhambetovtiń tikeleı qoldaýynyń arqasynda múmkin bolyp otyrǵanyn jetkizdi. Ol ótken jyly Jyltyr aýylyna gaz, aýyz sý tartylǵanyna, Qaýyljyr aýylynda 40 oryndyq dárigerlik ambýlatorııa ǵımaraty salynǵanyna, Alabas aýylynda jastarǵa eki turǵyn úı salynyp berilgenine toqtaldy.
Qotyrtas aýylyndaǵy 156 otbasy budan bylaı ot jaǵyp, kúl shyǵarýdyń azabynan qutyldy. Turǵyndar aýylǵa gaz tartýǵa úlken kómek kórsetken «Emshan» kompanııasynyń prezıdenti, oblystyq máslıhattyń depýtaty M.О́ndirgenovke, gaz qubyryn tartý jumysyn sapaly atqarǵan «Al Aqtóbe» JShS-niń ýchaske bastyǵy V.Matıýshkovke, ýchaske sheberi M.Myńjasarovqa, onyń jumysshylaryna alǵys sezimin bildirdi.
Satybaldy SÁÝIRBAI,
«Egemen Qazaqstan»
Aqtóbe oblysy,
Shalqar aýdany.