«Beıbit mıssııa – 2014»: kelissózder bastaldy

Beıjińde «Beıbit mıssııa – 2014» terrorǵa qarsy birlesken áskerı oqý-jattyǵýlarynyń alǵashqy shtabtyq kelissózderi ótkizilýde. Kelissózderde Qazaqstan Qarýly Kúshteri Bas shtab bastyǵynyń orynbasary general-maıor Muqan Dúısekeev bastaǵan qazaqstandyq áskerı delegasııa oqý-jattyǵýdyń jos­paryn, maqsaty men tapsyrmalaryn, sondaı-aq, uıymdastyrý máselelerin talqylaýda. General-maıor Muqan Dúı­sekeev óz sózinde: – Shanhaı yntymaqtastyq uıymy sheńberindegi yn­tymaqtastyq Qazaqstannyń kóp vektorly saıasatynyń mańyzdy elementi bolyp tabylady jáne ulttyq jáne óńirlik qaýipsizdikti qamtamasyz etý isine úlken úles qosady. Qazaqstan ShYU-nyń ózara senimdi nyǵaıtý, dostyq pen tatý kórshilik, kóp­salaly yntymaqtastyqty damytý, sondaı-aq, boı kórsetken ter­rorlyq, separatıstik jáne eks­tremıstik áreketterge birlesip qarsy tura bilý maqsattaryna jaqyn, – dep atap ótti. Shanhaı yntymaqtastyq uıymy pishinindegi komandalyq-shtabtyq oqý-jattyǵýlary dástúrli túrde ShYU-ǵa múshe memleketter aýmaǵynda eki jylda bir ret ótkizilip turady. Atalǵan is-sharaǵa Qazaqstan, Qytaı, Reseı, Tájikstan jáne Qyrǵyz Respýblıkasynyń áskerı kontıngentteri qaty­sady. Bıyl «Beıbit mıssııa – 2014» oqý-jattyǵýlary Qytaı Halyq Respýblıkasynyń aýmaǵynda ótedi. 2010 jyly «Beıbit mıssııa» oqý-jattyǵýlary Qazaqstannyń Mátibulaq polıgonynda ótken bolatyn. ÁSKERI BО́LIMDERDEGI TEKSERÝLER Qorǵanys mınıstrligi Bas ınspeksııasynyń josparyna sáıkes, 2014 jylǵy 3 aqpannan bastap Aeroutqyr áskerleriniń Almaty garnızonynda shoǵyrlanǵan birneshe áskerı bólimderine ınspeksııalaý júrgizilýde. Tekseristiń maqsaty bólimderdiń qoıylǵan tapsyrmalardy belgilengen merzimde oryndaý múmkindigin anyqtaý. Sondaı-aq, qarý-jaraq pen áskerı tehnıkanyń jaı-kúıin tekserý. 2014 jylǵy 12 aqpanda túske deıin 61993 áskerı bóliminiń (Qazaqstan bitimgershilik brıgadasy) avtomobıldi jáne brondy tehnıkasy belgilengen aýdanǵa (70 razezd, áskerı bólimge taıaý jerde) shyǵarylyp tekserildi. Búginde  barlyq tehnıka saqtaý ornyna oralyp úlgerdi. Tekserý jumystary bólimniń turaqty ornalasqan aýmaǵymen birge, dalalyq jaǵdaılarda da (oqý ortalyqtarynda) júrgizilýde. «Egemen-aqparat».