Serbııa astanasy Belgrad qalasynda ótip jatqan álem chempıonaty jalǵasýda. Búgin tórt boksshymyz sharshy alańǵa shyǵady, dep habarlaıdy Egemen.kz.
Kúndizgi sessııada 48 kılo salmaq dárejesindegi úkili úmitimiz Temirtas Júsipov serbııalyq Omer Ametovıchpen kezdesse, 75 kılo salmaqtaǵy sańlaǵymyz Nurqanat Raıys moldovalyq Vlad Gavrılıýkpen qolǵap túıistiredi. Sondaı-aq 80 kılo salmaqtaǵy Nurbek Oralbaı brazılııalyq Fılo Isaıasqa qarsy rıngke kóterilmek. Keshki sessııada 63,5 kılo salmaqtaǵy saıypqyranymyz Sanatáli Tóltaev moldovalyq Vasılıı Chebotardy jeńýge tyrysady.