Atyraý oblysynda bolǵan atystan alty adam zardap shekkeni týraly BAQ-ta habarlanǵan bolatyn. Alǵan jaraqatynan sol alty adamnyń biri kóz jumdy, dep habarlaıdy Egemen.kz.
«30 qazan kúni saǵat 19: 30 shamasynda Atyraý-Aqtóbe tas jolynyń 331 shaqyrymyndaǵy Qyzylqoǵa aýdany Saǵyz aýylynyń mańynda tóbeles bolǵan. Tóbeleske qatysqandar qarý qoldanǵan. Alǵan jaraqattarynyń saldarynan 1985 jyly týǵan er adam Saǵyz aýylynyń ambýlatorııasynda kóz jumdy. Qazirgi ýaqytta oqıǵa ornynda Atyraý oblysy polısııa departamentiniń jedel-tergeý toby jumys isteýde», delingen oblystyq polısııa departamenti taratqan baspasóz habarlamasynda.
Búgin QR Qylmystyq kodeksiniń 99-baby 2-bóligi (Adam óltirý) boıynsha sotqa deıingi tergeý bastalǵan.