Jaǵdaıdy turaqtandyrýǵa shaqyramyz

Qazaqstan Respýblıkasy Syrtqy ister mınıstrliginiń málimdemesi Kıevte jáne Ýkraınanyń basqa da qalalarynda narazylyq aksııasyna qatysýshylar men quqyq qorǵaý organdarynyń ókilderi arasynda qazaǵa ákelgen qaqtyǵystardyń ýshyǵýyn úlken alańdaýshylyqpen qabyldadyq. Myqty jáne bedeldi, ekono­mıkalyq, óndiristik jáne adamı áleýeti zor memleketke saıası qarama-qaıshylyqtardyń tıgizip otyrǵan zardabyn ókinishpen atap ótemiz. Qazaqstan men Ýkraınany dástúrli dostyq jáne strategııalyq  qarym-qatynas baılanystyrady, olardyń negizinde ózara senim men qurmet jatyr. Biz Ýkraınany mań­yzdy áriptesimiz retinde qaras­tyramyz. Biz zorlyqtyń kez kelgen túrin qatań synaımyz jáne Ýkraı­nanyń barlyq saıası kúshterin us­tamdylyqqa, qantógisti toq­ta­týǵa, memlekettiń konstıtýsııasy men zańdaryna sáıkes tártip orna­týǵa shaqyramyz. Sonymen qatar, ha­lyq­aralyq qoǵamdastyqty da osy eldegi jaǵdaıdy turaqtandyrýǵa barynsha yqpal etýge shaqyramyz.